எங்கள் அண்ணன் ஜீவி, ஒரு Desi Hero!

என்ன தான் இந்த உலகமே எதிர்த்தாலும், எங்கள் அண்ணன், அதவாது Desi Hero, இந்த சின்ன வயதிலே இப்படிப்பட்ட மாபெரும் பட்டத்தை பெற்றது 'விசாரணை' படம் ஆஸ்கார்லிருந்து விடப்பட்ட துக்கத்தை போக்கியுள்ளது.  

எங்கள் தளபதியின் தத்துபிள்ளாய்
தாய்குலத்தின் செல்லபிள்ளை
தலயின் தங்கபிள்ளை , ஜீவி பிரகாஷ்! 
இவன் ர் பாடல் ஒன்னு சமீபத்தில் கேட்டுவிட்டு, தோழி ஒருத்தி இதுக்கு என்ன அர்த்தம்னு சொல்லு என்று சவால் விட்டாள் அர்த்தமில்லாம.

எனக்கு சட்னு கோபம் வந்துட்டு. எப்படிப்பட்ட பாடலை புரியலேனு சொல்லிட்டா? 



அவளுக்கு விளக்கிகூறிய அர்த்தத்தை இங்கே பதிவு செய்துள்ளேன். 

இத்தாத்தா இத்தா 


இத்தா இத்தாத்தா


இத்தாத்தா இத்தா 


இத்தா இத்தாத்தா



இதை பிரித்து படிக்க வேண்டும்...


இத்தாத்தா-- இ + தாத்தா


இனி வருங்காலத்தில் நான் தாத்தாவாக 


போனாலும்,


இத்தா-- இ+ தா


இன்றுபோல் என்றுமே நீ


தாமாரை தான்.



 நீ அசி பீசுன்னா


நான் அட்டு பையந்தான்


நீ பிட்டு பிட்டா


சாண போட்டா

ஷார்ப்பானேன் நான்




அசி பீசு--- அசி என்றால் ATM.


பீசு-- மண்டை

ATM போல் உள்ள ஒன்னுமே இல்லாத மண்டை 


உடையவன் நான்,
அட்டு பையன்-- நான் ஒரு விளங்காத வெங்காயம்,
பிட்டு பிட்டா-- கொஞ்சம் கொஞ்சமா
சாண போட்டா--- இந்துத் தமிழர் இல்லங்களில் 


சாணம் இட்டு மெழுகுதல்என்ற வழக்கம் உள்ளது. 


அதாவது என்னை கழுவி கழுவி ஊத்தி,
ஷார்ப்பானேன் நான்--- நான் மனதளவில் உன்னால் 


பரிசுத்தமாக்கப்பட்டவன்



நீ டாலு கோல்டுதான்

நான் தார் ஷீட்டுதான்

நீ கட் அண்டு ரைட்டா


கண்ணடிச்சா த்தவளத்து நான்



டாலு கோல்டு--- ஜெய்பூர் அருகே உள்ள தங்க


சுரங்கபாதையின் பெயர் தான் டாலு.


ஆசியாவிலேயே மிக பெரிய சுரங்கபாதை, ஜீவி


வாய் போல்.


தார் ஷீட்டு-- சாலையில் போடப்படும் தார்.


கட் அண்டு ரைட்டா-- cut and right


கண்ணடிச்சா, த்தவளத்து நான்-- 


த்தவளத்து என்பவன் முகலாயர் ஆட்சி காலத்தில் 


இருந்த போர் படைவீரன். அவன் கிட்டதட்ட ஜீவி 


மாதிரி ஒரு முந்திரிகொட்டை. தான் ஒரு வீரன் 


என்றாலும், அந்த வேலைய விட்டுட்டு, அவ்வூரில்


நடக்கும் நாடக குழுவில் சேர்ந்து நடிக்க 


ஆரம்பித்தவன்.

தனக்கு தெரிந்த வேலையை செய்யாமல் மத்த 


வேலையில் இறங்குபவனை "த்தவளத்து" 


என்போம்.



சீனு சிலாக்கிதான்

டானு டுப்பாக்கிதான்

டார்லிங் உன்னால நான்


கன்பியூஸ் ஆனேனே.

சீனு சிலாக்கிதான்-- சிலாக்கியம் என்றால் சிறப்பு.
உன்னாலே ஒரு sceneகூட சிறப்பா வராம 

இருந்தாலும்,
டானு டுப்பாக்கிதான்-- இந்த Don ஒரு டப்பா


ஆகிபோனேனே!! (கவித கவித..)


டார்லிங் உன்னால கன்பியூஸ்-- darling, I am 

canfussed.



கானா கலீஜீம்மா

கும்மா குஜீலீம்மா

செம்ம லுக்குவிட்டா 


ஜில்பான்சும்மா


கானா கலீஜீம்மா--- சிப்பி இருக்குது முத்தும் 

இருக்குது



கும்மா குஜீலீம்மா--- திறந்து பார்க்க நேரம்

 இல்லடிராஜாத்தி



செம்ம லுக்குவிட்டா ஜில்பான்சும்மா-- சிந்தை

 இருக்குது சந்தம் இருக்குது

கவிதை பாட நேரம் இல்லடி ராஜாத்தி

அடுத்த குறும்படத்தின் புதிய பாடல்!

நாங்கள் எடுத்த குறும்படம், கண நேர நினைவுகள்.

அப்படத்தில் வரும் பாடல் இதோ!!


உங்களது ஆதரவையும் கருத்துகளையும் எதிர்பார்த்து......

ஆயிரத்தில் ஒருவன் பார்க்க வா! இரண்டாம் உலகம் பார்க்க வா!

இரண்டாம் உலகம் trailerரை அனைவரும் பார்த்து இருப்பீங்க. பாடல்களை இன்னும் நான் கேட்கவில்லை.

செல்வராகவன் சமீபத்தில் அளித்த பேட்டி ஒன்றில் அவருக்குள் இருந்த ஆதங்கத்தையும் கோபத்தையும் ரொம்ப தைரியமாக சொல்லியிருந்தார். ரொம்ப தைரியம் வேண்டும் அவ்வாறு பேச. அந்த தைரியசாலி 'இரண்டாம் உலகம்' போன்ற படத்தை எடுத்ததில் ஆச்சிரியமில்லை.


ஆனால் எனக்கு சில கேள்விகள். அவரின் கோபம் நியாயமானதாக இருந்தாலும் சிலவற்றை ஒரு ரசிகராய் ஏற்ற கொள்ள முடியவில்லை.

1) ஆயிரத்தில் ஒருவன் படத்திற்கே தமிழ் subtitle போடுங்க என்று சொல்பவர்கள் நம் மக்கள் என்றார் அந்த பேட்டியில்.

புரியலையே பாஸ்! தூய தமிழில் வந்த பழைய காலத்து படங்களையெல்லாம் நாங்கள் பார்த்து ரசிக்கவில்லையா? கை தட்டவில்லையா? புரியும் தமிழில் படம் எடுத்தால் நாங்கள் ரசிப்போமே, பாஸ்!

2) ஆயிரத்தில் ஒருவன் படத்தின் தோல்வி.

அரிவாளை கொண்டு, tata sumo tyreயை கிழிக்கும் காவிய காட்சிகளை இன்னும் எடுத்துகொண்டிருக்கும் பலபேரில், நீங்கள் வித்தியாசமானவர் தான்!

ஆயிரத்தில் ஒருவன் படத்தின் மேல் வைத்திருந்த எதிர்பார்ப்பு என் ஒரு வாரம் உணவுக்கு தடையாய் போனது. படத்துக்கு குடும்பத்தோடு சென்று என் அம்மாவிடம் நல்லா வாங்கி கட்டி கொண்டது தான் மிச்சம். இந்த படத்துக்கு கூட்டிகிட்டு போன உனக்கு ஒரு வாரம் சோறு கிடையாது என்று என் அம்மா திட்டியது இன்னும் நினைவில் இருக்கிறது.

எது பண்பாடு? எது கலாச்சாரம்? எதை காட்ட சில (அருவருப்பான) காட்சிகளை வைத்தீர்கள்?

இரண்டாம் உலகம் பாடல் வெளியீட்டு விழாவில் வைரமுத்து சொன்னது தான் நினைவுக்கு வருகிறது

"செல்வராகவன் படங்களில் வெற்றிப்படம்,
தோல்விப்படம் என்று எதுவும் இல்லை.
புரிந்துகொள்ளப்பட்ட படம்,
புரிந்துகொள்ளப்படாத படம் என்றுதான் உண்டு"


ஒரு சாதாரண ரசிகையாய், எனக்கு புரியும் விதம் படம் பார்க்க ஆசைப்படுகிறேன். சில சமயங்களில், செல்வா ரொம்ப வேகமாய் செல்கிறாரோ என்றும் தோன்றும்.

செல்வா
நீ கண்ணாடி
போட்ட கமல்
அல்லவா?

உலக சினிமா எடுக்கனும். அப்போ தான் நம்ம தரம் உயரம். உங்க ஆசை, விருப்பம் எல்லாமே புரியது. தரம் உயர, புரியாத சினிமா எடுக்க தேவையில்லை, உலகம் நம்மை பார்த்து வியக்கும் சினிமா எடுத்தாலே போதும்.

'children of heaven' என்ற iranian/persian படம் பல விருதுகளை பெற்றது.  அண்ணன் தங்கை இருவர்களுக்கு இடையே நடக்கும் ஒரு சின்ன போராட்டம். கதை அவ்வளவு தான்! எந்த கிராஃபிக்ஸும் பயன்படுத்தவில்லை. புரிந்ததே, பாஸ்!

3) ஓ.....ஹாலிவுட் படங்களை மட்டும் ரசிச்சு பாக்குறீங்க?

அவதார் படம் எத்தன பேருக்கு புரிந்ததுனு கேட்டு பாருங்க!! நம்மில் பல பேர் இங்கிலேஷ் படத்துக்கு போயிட்டு வந்தேன் என்று கூறி பெருமிதம் அடைபவர்கள் தான் அதிகம்!

கிராஃபிக்ஸ் பயன்படுத்த வேண்டாம்னு சொல்லல. ரசிக்கும் வண்ணம் பயன்படுத்துங்க!


'இரண்டாம் உலகம்' படத்தின் trailerரை பார்த்துவிட்டு எனக்கு கொஞ்சம் பயமா தான் இருக்கு. சில காட்சிகள் ஆயிரத்தில் ஒருவன் படத்தை நினைவூட்டியது. எனினும், வெற்றி பெற வாழ்த்துகள் செல்வா!!  

தேர்வுக்கு முதல் நாள் படித்து 90 மார்க் வாங்கும் மாணவர்கள் நிறைந்த கூட்டத்தில் தினந்தோறும் கஷ்டப்பட்டு படித்து, தேர்வில் ஒரு மார்க்-கில் தோல்வி பெறும் மாணவனின் அவஸ்தையைவிட அதை பார்க்கும் ஆசிரியரின் வலி அதிகம்!

 உங்க படங்கள் புரிந்து கொள்ளாமல் போன போது, அந்த 'ஆசிரியரின் வலி' என் போன்ற பல ரசிகர்களுக்கு இருந்தது.



காதல் கொண்டேன், 7g rainbow colony படங்கள் வந்தபோ
முதல் ஆளா, முதல் டிக்கெட் வாங்கினவன் எல்லாம் நம்ம
பயலுக தான்!
இப்போ  அதையெல்லாம் விட்டுபுட்டு
ஆயிரத்தில் ஒருவன் பார்க்க வா
இரண்டாம் உலகம் பார்க்க வா-னா
எப்படி வருவான்?

அவன் மெதுவாத்தான் வருவான்!
மெதுவாத்தான் வருவான்!

காதல் குத்து பாடல்கள்

சமீபத்தில் வெளிவந்திருக்கும் ரெண்டு காதல் குத்து பாடல்கள் என்னை ரொம்ப கவர்ந்துவிட்டன.

ஒரு கல் ஒரு கண்ணாடி படத்தில் வரும் 'வேணாம் மச்சான்'.

வேணாம் மச்சான் வேணாம் இந்த பொண்ணுங்க காதலு.
அது மூடி திறக்கும்போதே உன்னை கவுக்கும் குவாட்டரு.
கடலை போல காதல் salt water-u
அது கொஞ்சம் கரிக்கும்போதே நீ தூக்கி போட்டு-டு

mummy சொன்ன பொண்ண கட்டுனா torture இல்லடா
நீயும் டாவு அடிக்கும் பொண்ண கட்டுனா டவுசரு அவுரும்டா.
கண்ண கலங்க வைக்கும் figure வேணாம்டா
நமக்கு கண்ணீர் அஞ்சலி poster ஒட்டும் நண்பன் போதும்டா

bold எழுத்துகளில் இருக்கும் வரிகள் எனக்கு ரொம்ம்ம்ம்ம்ம்ம்ம்ம்ப பிடிச்சிருக்கு. கேட்கும்போதே உண்மையாக ஒரு புன்னகை வரும்! பொதுவா, எனக்கு இந்த பெண்களை தாக்கி எழுதும் கொடூரமான பாடல்கள் அவ்வளவு பிடிக்காது (தனுஷ், செல்வராகவன் படங்களில் வரும் பல பாடல்கள்). இதுவும் கொஞ்சம் தாக்கி எழுதி இருக்கும் பாடல் தான்.

ஆனால், நண்பன் தான் முக்கியம் என்று சொல்லும்போது, பாடல் அவ்வளவு வெறித்தனமாய் தெரியவில்லை. இதை பெண்களும் சேர்ந்தே ரசிக்கலாம். அந்த 'salt water-u' message பெண்களும் ஆண்களை கண்டு உஷாராக இருக்க உதவும்:)))
நரேஷ் அய்யரும், வேல்முருகனும் பாடலை நன்றாக பாடியுள்ளனர். பாடலில் ஆரம்பிக்கும் அந்த 'peppy' feel பாடலில் நடுவே சற்று குறைந்தாலும், அதுக்கு அப்பரம் வரும் வரிகளுக்காகவே பாடலை முழுதாய் கேட்கலாம். நா முத்துகுமார் சார்....பின்னிட்டீங்க போங்க!!!

இன்னொரு படத்தில் வந்த 'ஆம்பளைக்கும் பொம்பளைக்கும்' பாடல். கழுகு படத்தில் வந்திருக்கும் பாடல்.

ஆம்பளைக்கும் பொம்பளைக்கும் அவசரம்.
அத காதல்னு சொல்றாங்க அனைவரும்!

யுவன் இசையில் இன்னொரு ஹிட்!

இந்த பாடலில் எனக்கு பிடிச்சது- காதலில் ரெண்டு பேருமே தப்பு செய்றாங்க என்ற வரிகள், ஹீரோவின் ஆட்டம், நடுவே வரும் சில காமெடிகள் (வீடியோவை பார்த்தால் நீங்களே புரிந்து கொள்வீர்கள்......இயக்குனர் பேரரசு, கலா மாஸ்டர்...ஹிஹிஹி....)