Saturday, June 2, 2007

காலத்தால் அழியாத கோலங்கள்

தள்ளி தள்ளி போட்ட
புள்ளிகளை
ஒன்றாய்
இணைக்கும் கோலம்!
எங்கேயோ இருந்த
புள்ளிகளாய் நாம்,
நம்மை இணைத்தது
கல்லூரி நட்பு என்னும்
கோலம்!

காலை முதல்
மாலை வரை
அழகாக ஜோலித்த நாம்
தண்ணீரால் அழிக்கப்பட்டபோது
சேர்ந்தே கரைந்தது
நாம் சிந்திய கண்ணீர்!
கல்லூரி வாழ்க்கை முடிந்தபின்
சேர்ந்தே மறைந்தது எல்லாமே!

காலம் என்னும் ஆயுதம்
உங்களிடம் பேச
ஒரு நிமிடத்தைகூட விட்டுவைக்காமல்
சுட்டுவிட்டது!

இன்று அழிக்கப்பட்டாலும்
நாளை காலை
கோலங்கள் போடப்படும்
இன்று பிரிந்தாலும்
நாளை என்னும் நம்பிக்கையுடன்
காலத்தால் அழியாத கோலங்களாய் நாம்!