விஸ்வரூப-கடலில்-டேவிட்!

1) விஸ்வரூபம்

45 நிமிடங்கள் கால் கடுக்க மழையில் நின்னு டிக்கெட் வாங்கினேன் குடும்பத்துக்கு.

"குடும்பத்துக்காக நீ என்ன பண்ண?" அப்படினு இந்த உலகம் நம்மள பார்த்து கேட்டுட கூடாது பாருங்க.

இணையத்தில் வந்த செய்திகள்/விமர்சனங்கள் பார்த்தே தெரிந்துவிட்டது இந்த படம் நமக்கு அவ்வளவாக பிடிக்க போவதில்லை என்று. இருந்தாலும், சென்றேன். அந்த 'afghanistan'' portion முழுதும் டமார் டுமீர் டுப் டுப் டுப்!! ஒரு கட்டத்தில் எனக்கு பயம் வந்துச்சு! படத்தில் வந்த குண்டு நம்ம மேல பாஞ்சிடுமோனு. புரியவில்லைனு சொல்ல முடியாது. என்ன நடக்குதுனு புரியுது. ஆனா ஏன் என்று தான் புரியல- அப்படி  ஒரு படம் தான் 'விஸ்வரூபம்'

எது எதுக்கோ தடை விதிச்சாங்களே!!! உண்மையா தடை விதிக்கனும்னா இதுக்கு தான் விதிக்கனும்

"எங்கள் தலைவி ஆண்ட்ரியாவுக்கு சரியான ரோல் கொடுக்காததால்!"

2) கடல்

படம் பார்க்கும்வரை: " மூங்கில் தோட்டம் மூளிக வாசம்....."

படம் பார்த்த பிறகு: "எங்கயாச்சும் மூளிக தைலம் கிடைக்குமா?"

புரியம்படி யாருமே படம் எடுப்பதில்லையா! ஏன்? ஏன்? ஏன்???????? இல்ல, எனக்கு தான் அறிவு பத்தவில்லையா?

நான் அப்படி என்ன அதிகமா ஆசைப்பட்டேன்! ஒரு நல்ல படம்! அவ்வளவு தான்!

கௌதம் கார்த்திக்- ஓடுறீங்க, குதிக்குறீங்க, தாவுறீங்க! வெரி குட்!

துளசி- சிரிக்குறீங்க. தேவையில்லாம சிரிக்குறீங்க. நிறைய சிரிக்குறீங்க. நைஸ்!

அரவிந்த் சாமி- கண்ணால நடிக்குறீங்க! அடுத்த இன்னிங்ஸ் வாங்க சார்...

அர்ஜன் - சார், நீங்க பேசமா அந்த கிச்சா அப்பளம் business பண்ணலாமே?

மணிரத்னம் சார், எனக்கு இன்னும் நம்பிக்கை இருக்கு. உங்க ராவணன் பிடிக்கவில்லை. உங்க 'கடல்' பிடிக்கவில்லை. எல்லாருக்கும் ஒரு கெட்ட காலம் இருக்கும். உங்களுக்கு அப்படி தான் நினைக்குறேன். ஆனா அந்த கெட்ட காலம் முடிந்து நல்லது நடக்கும். கண்டிப்பா நீங்க நல்ல படம் எடுப்பீங்க!

ஒரு தளபதி, ஒரு அஞ்சலி, ஒரு அலைபாயுதே....

இந்த 'கடல' தாண்டி அலைபாய்ந்து வாங்க சார்!! நாங்க உங்களுக்காக கரையோரமா காத்துகொண்டு இருக்கிறோம்!

3) டேவிட்

கிராமத்திலேந்து பட்டணத்துக்கு வந்து கஷ்டப்பட்டு பொழைக்க முடியாம, 'இந்த பட்டணம் நமக்கு வேண்டாம்'னு திருப்பி விவசாயம் பார்த்து கொள்ளலாம்னு திரும்பி கிராமத்துக்கே போகும் வாலிபன் போல்...

கடல், விஸ்வரூபம் பார்த்து தலவலி வந்து, கஷ்டப்பட்டு சம்பாதித்த பணம் விரயமா போச்சு என்பதால் 'இனி எந்த படமும்' கொஞ்ச காலத்துக்கு வேண்டாம் என்று எண்ணி டேவிட்-டை பார்க்காமல் தவிர்த்தேன்!