சரணடைந்தேன்!

சும்மா பார்க்கிறேன் என்று
சூராவளியை ஏற்படுத்தினாய்.
என் வேலையை செய்யவிடாமல்
பார்வையினாலேயே என்னை
உன் பக்கம் இழுத்தாய்!
தொடாமலேயே என் அழகை
அளவெடுத்தாய்.
காதோரம் கவிதை பாடினாய்
கழுத்தோரம் வீணை மீட்டினாய்
எல்லாம் பிடித்தும்
பிடிக்காதவாளாய் நான் நடித்தேன்
ஒரு கணம் என்னை பார்த்து
"ஐ லவ் யூ" என்றாய்!
நடிப்பை தொடர முடியாமல்
உன்னிடம் சரணடைந்தேன் நான்!