120 மணி நேரம் படம் பார்த்து சாதனை!

120 மணி நேரம் தொடர்ந்து 48 ஹிந்தி படங்களை பார்த்து உலக சாதனை புரிந்திருக்கிறார் மதுராவை சேர்ந்து ஆஷிஷ் ஷர்மா. இதற்கு முன் ஜெர்மனிய நாட்டை சேர்ந்த claudia wavra தான் 117 மணி நேரம் தொடர்ந்து படம் பார்த்து சாதனை பட்டியலில் இருந்தார். அதை முறியடித்துவிட்டார் ஆஷிஷ்.

ஜூன் 11 காலை 11.08 ஆரம்பித்தவர் ஜூன் 16 ஆம் தேதி இரவு 8.12 வரை தொடர்ந்து 48 படங்களை பார்த்தார். ஒவ்வொரு படம் முடிந்தபிறகு அவருக்கு 10 நிமிடம் பிரேக் கொடுக்கப்பட்டது. நான்கு மணி நேரத்துக்கு ஒரு முறை டாக்டர் வந்து பரிசோதனை செய்தார். சாதனையை நிகழ்த்திய ஆஷிஷ் தன் ஊருக்கு பெருமை சேர்த்துள்ளார் என்பதை எண்ணி பெருமிதம் கொண்டார்.

இச்செய்தியை படித்தபிறகு, எனக்கும் சாதனை பண்ணவேண்டும் என்ற ஆசை வந்துவிட்டது. தொடர்ந்தாற்போல் 120 மணி நேரம் நான் என் வலைப்பூவில் பதிவுகளை அள்ளி வீசலாம் என்று எண்ணியுள்ளேன். எப்படி?

why? why? ஏன் எல்லாரும் அழுவுறீங்க!! நோ நோ! சரி சரி சரி... நான் எழுதல!

நாலு பேரு நல்லா இருக்கனும்னா இந்த நாயகன்(நாயகி) எதையும் செய்வாள்.(பின்னாடி நாயகன் தீம் மியூசிக் கேட்குதா...)